شو حلو هالسهريى بقلم الشاعر محمود علي علي

شو حلو هالسهريى  
يا أم كليل
يام الطرحة الزهريي
متل القنديل
وانتي أحلا صبيي
ببنات الجيل
ورح غنيلك غنيي
وإلقي الأشعار

خدك تفاح الشامي
وجبين هلال
وبعيونك بحر الطامي
وبالصدر جبال
فيكي زايد غرامي
حكيو العزال
وانتي قصدي ومرامي
وصرتيلي مزار

عيونك ياحب اللولو
وشعرك شلال
وقدك متناسق طولو
وشو عال العال
وعشاقك هلّالولو
جل المتعال
وعن حسنك راحوا يقولو
بنت الأمّار

يام الطرحة وتنوّره
شغل العيّاق
شكلك متل الدنوّره
وشفاف رقاق
شو عملتي يازغيتورة
بقلب العشاق
جنّت فيكي المعمورة
زغارا وكبار

ي ام القامه الممشوقة
والشعر بنود
12جديليه مرموقة
ويعيد العود
كنّك آيه مخلوقة
من قدم عهود
بتغرب ويعود شروقا
بوقت الأسحار

بحسنك عمّا يتغنّوا
عربا وعْجام
وعشّاقك فيكي جنّوا
وشربوا من الجام
والشادي زايد فنّو
وبحبّك هام
وجراس حجولك رنّوا
بكلّ الأمصار

جتنا الحلوي الأمّوره
من بلاد الصين
ولبست أحلى تنوره
وإكليل لجين
وقصدا تطلع كسدوره
يوم ويومين
وصورتها أحلى صوره
ومتلا ماصار

عطراف الشير الغربي
اللي كنّا فيه
نتلاقى عالمحبه
بطول لياليه
وخبّي عليكي وتخبّي
ونغرق بالتيه
وعلينا يشهد ربي
ع كلشي صار

يام عيون الدبلاني
وخدود ورود
طولك ياعويد الزانِ
والشعر بنود
العالم فيكي هيماني
ويعودوا العود
وفيكي تغنّى بن هاني
ونظّم أشعار

عشفافا الشهد مصفى
وآني النحّال
واقطف منّو واتخفى
ملفلف بالشال
ياريتني كون بصفّا
وابقى أجيال
وتخبّيني ع رفّا
وابقى أدهار

ابقى عرفّا بدهري
وحدي يارفيق
واتغطّى بشالا الزهري
وإغفى مافيق
وشوفا مرّه بالشهرِ
وكون الها رفيق
وبفديها بروحي وعمري
لو مهما صار

هالحلوي هالدلّوعه
هالإم كليل
وجها مرايي موضوعه
تآضي بالليل
ومهما اجتمعوا بمجموعه
زينات الجيل
مافي متلا بربوعا
بكل الأقطار

من نظرا وحدي بحسنا
بتروي العطشان
كيف لو شي مرا بسنا
الخد النديان
ومهما قرّبنا وقسنا
فينا النقصان
وبتبقى هواجسنا
فينا ياجار

من نهودا الخمر معتق
والعسل سال
وبعنقا شال معلّق
تحتو سلسال
وكلمن ب حسنا بيرمق
رمقة أرزال
دغري لجسمو بتسحق
أو حرق بنار

ياإم الخصر الأهيف
قدّك ممشوق
والتوب عليكي مهفهف
شغل العيّوق
عوسطك شال ملفلف
مافيه خروق
فضّه مع لولو مصفصف
والدر زرار
♥♥♥
ي ام الشامه بصحن خدود
مزيّنها نقطة مرمر
ؤبصديرك في جوز نهود
بيحاكو الجبل الأخصر
وقدّك بيشاكل أملود
وبْماس وْلولو تْزنّر
قلبي بغرامك موعود
وشعللتيني بجمر النار

عوّدتي قلبي عالحب
ولفلفتيه بلفلوفي
وعنّك صاير ابعد صعب
مافيني ولا نتّفوفي
ومافيني عيش بْلا قلب
إنتي النسمه الهفهوفي
حنّي عالوالهان الصب
معلّق فيكي ليل نهار